Հրապարակվել է Թրամփի երդմնակալության շաբաթվա միջոցառումների գրաֆիկը
ԱՄՆ նորընտիր նախագահ Դոնալդ Թրամփի պաշտոնակալության արարողության նախապատրաստության աշխատանքներով զբաղվող կոմիտեն հրապարակել Է դրա հետ կապված միջոցառումների գրաֆիկը։
Հանդիսությունների պաշտոնական մասը կմեկնարկի հունվարի 19-ի առավոտյան, երբ Թրամփն ու ԱՄՆ փոխնախագահը ծաղկեպսակներ կդնեն Առլինգթոնի ազգային հուշահամալիրում։ Դրանից հետո տոնական համերգ կտրվի Լինքոլնի հուշահամալիրի մոտ:
Հունվարի 20-ին Թրամփն ու ԱՄՆ փոխնախագահը կերդվեն Կոնգրեսում և կմասնակցեն երթի, որը Փենսիլվանիա-ավենյուով կձգվի մինչև Սպիտակ տուն։
Հունվարի 21-ի առավոտյան ԱՄՆ Ազգային տաճարում նրանց մասնակցությամբ տեղի կունենա «աղոթաճաշ»՝ հանդիպում տարբեր կրոնների մի քանի հազար ներկայացուցիչների, ինչպես նաև ԱՄՆ քաղաքական ու գործարար էլիտայի անդամների հետ, հայտնում է Interfax-ը։
