Իրանի նախագահը մեկնել է Ղազախստան

khabar.kz կայքի հաղորդմամբ՝ Իրանի նախագահ Հասան Ռոհանիի ինքնաթիռն արդեն վայրէջք է կատարել Աստանայի օդանավակայանում։

Հասան Ռոհանին Ղազախստան է մեկնել պաշտոնական այցով։
Աստանայի միջազգային օդանավակայանում Իրանի նախագահին դիմավորել են Ղազախստանի ներդրումների և զարգացման նախարար Ժենիս Քասըմբեկն ու փոխարտգործնախարար Աքըլբեկ Կամալդինովը:

Սպասվում է, որ այցի շրջանակում Հասան Ռոհանին բանակցություններ կվարի Ղազախստանի նախագահի հետ, ինչպես նաև տեղի կունենա երկու երկրների պատվիրակությունների համատեղ նիստ, կստորագրվեն համագործակցության վերաբերյալ փաստաթղթեր։