Պատահար՝ «ԹՈՒՄՈ» ստեղծարար տեխնոլոգիաների կենտրոնի մոտ
Դեկտեմբերի 22-ին, ժամը 05.19-ին ահազանգ է ստացվել, որ Երևանի Հալաբյան փողոցի թիվ 16 հասցեում գտնվող «ԹՈՒՄՈ» ստեղծարար տեխնոլոգիաների կենտրոնի մոտակայքում տեղի է ունեցել ՃՏՊ՝ ավտոմեքենան բախվել է ծառին. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ «Suzuki swift» մակնիշի 35 DT 668 պ/հ ավտոմեքենան (վարորդ` 1991 թ. ծնված Մ. Ս.) դուրս է եկել ճանապարհի երթևեկելի հատվածից և բախվել ծառին: Մ. Ս.-ը ինքնուրույն դուրս է եկել ավտոմեքենայից, այնուհետև շտապօգնության աշխատակիցները նրան տեղում ցուցաբերել են համապատասխան բուժօգնություն:
Փրկարարներն անջատել են ավտոմեքենայի մարտկոցը:
