Ռուսաստանում գրանցվել է 62 աստիճան ցուրտ
Ռուսաստանում՝ Խանտի-Մանսիյսկի ինքնավար շրջանում, գրանցվել է 62 աստիճան ցուրտ։ Այս մասին, ինչպես հայտնում է rg.ru-ն, հայտնել է շրջանի հասարակայնության հետ կապերի բաժնի տնօրեն Ելենա Շումակովան։
Նրա խոսքով՝ ռեկորդային ջերմաստիճան է գրանցվել այսօր Բելոյարսկի շրջանում՝ Մեծ Օլխովսկոյե կոչվող նավթային հանքավայրում։
«Երեկ Կազիմ Բելոյարսկի շրջանում եղել է 58 աստիճան ցուրտ, այսօր՝ 62 աստիճան ցուրտ»,- հայտնել է նա։
Սառնամանիքի պատճառով դպրոցներում դասերը հետաձգվել են։ Տեղի օդանավակայանում ավիաչվերթերը հետաձգումներով են իրականացվում։
