Ֆրանսիայում բախվել են տասնյակ ավտոմեքենաներ, կա 5 զոհ
Ֆրանսիայի արևմուտքում մեծամասշտաբ վթարի հետևանքով զոհվել է 5 մարդ։ Տեղի լրատվամիջոցները հայտնում են, որ 30-50 ավտոմեքենա է բախվել Վանդեյա դեպարտամենտում։
Նախնական տվյալներով՝ ՃՏՊ-ին զոհ է դարձել 5 մարդ, ևս 6 տուժած գտնվում է ծանր վիճակում։
Դեպքի վայրում գտնվում է ավելի քան երկու տասնյակ շտապօգնության ավտոմեքենա։
Վթարի հավանական պատճառ է նշվում թանձր մառախուղն ու վատ տեսանելիությունը։
