Մոսկվայում ձերբակալվել է Դեդ Հասանի մտերիմներից «Ռիժի Հակոբը»
Մոսկվայում իրավապահները ձերբակալել են Դեդ Հասանի (Ասլան Ուսոյան) մտերիմներից «Ռիժի Հակոբին» (Հակոբ Մելիքսեթյան), որը քրեական հեղինակություն է համարվում։ Այս մասին հաղորդում է Interfax-ը՝ վկայակոչելով ուժային կառույցներում իր աղբյուրին։
«Իրավապահ մարմինների աշխատակիցները ձերբակալել են Հակոբ Մելիքսեթյանին, որը կրիմինալ շրջանակներում հայտնի է որպես Ռիժի Հակոբ»,- ասել են գերատեսչությունից։
Իրավապահների տեղեկություններով՝ Մելիքսեթյանը Ասլան Ուսոյանի մտերիմներից էր և ենթադրաբար, առնչություն ունի մի շարք աղմկահարույց հանցագործությունների, այդ թվում՝ մարդկանց առևանգումների։
Ավելի վաղ հաղորդվել էր, որ Ռուսաստանի ՆԳՆ-ն արգելել է երկիր մուտք գործել Իտալիայում տնային կալանքի տակ գտնվող Մերաբ Ջանգվելաձեին (Մերաբ Սուխումսկի), որը Դեդ Հասանի մտերիմներից է։
