Հայաստանը՝ արտագաղթի պատճառով 20%-ից ավել բնակչություն կորցրած երկրների ցանկում
Համաշխարհային տնտեսական ֆորումը (World Economic Forum – WEF) իր ֆեյսբուքյան էջում տեսանյութ է հրապարակել, որտեղ ներկայացվում են բոլոր այն երկրները, որոնք արտագաղթի պատճառով կորցրել են իրենց բնակչության 20%-ից ավելին։
Այդ երկրների ցանկում նշվում է նաև Հայաստանը, և ըստ տեսանյութի՝ արտագաղթի պատճառով Հայաստանը կորցրել է իր բնակչության 25%-ը։ Դա ավելի բարձր է քան Սիրիայի ցուցանիշը, որն ըստ տեսանյութի 22% է։ Ամենաբարձր արտագաղթի մակարդակը ունի Բոսնիա և Հերցեգովինան՝ 30%։
Տեսանյութում չի նշվում, թե այս թվերը որ ժամանակահատվածին են վերաբերում։
