Անդրեյ Կառլովի մարմինը Թուրքիայից այսօր կտեղափոխվի Ռուսաստան
Անկարայում սպանված ՌԴ դեսպան Անդրեյ Կառլովի մարմինը հայրենիք կտեղափոխվի այսօր ցերեկը, հայտնում է RIA Novosti-ն՝ վկայակոչելով Անկարանում Ռուսաստանի դեսպանության մամուլի կցորդ Իրինա Կասիմովային։
«Այսօր օդանավակայանում տեղի կունենա սգո արարողություն Թուրքիայի բարձրագույն ղեկավարության և դիվանագիտական կորպուսի ներկայացուցիչների մասնակցությամբ։ Դրանից հետո դեսպանի մարմինն այրու, հյուպատոսության բժշկի և ԱԻՆ-ի հոգեբանի ուղեկցությամբ կտեղափոխվի հայրենիք»,- հայտնել է հյուպատոսության ներկայացուցիչը։
Նրա խոսքով՝ դիվանագիտական առաքելության պահպանությունը ահաբեկչությունից հետո ուժեղացվել է։
