Հալեպն ահաբեկիչներից կմաքրվի այս գիշեր
Հալեպը պետք է ահաբեկիչներից մաքրվի այս գիշեր: Այդ մասին հայտարարել է ՄԱԿ-ում Սիրիայի մշտական ներկայացուցիչ Բաշար Ջաֆարին:
«Ես ցանկանում եմ ձեզ տեղեկացնել, որ հենց հիմա Արևելյան Հալեպի որոշ շրջաններից տարհանվում են վերջին ահաբեկիչները: Հալեպն այսօր գիշերը կմաքրվի»,- ըստ «Ռիա-նովոստիի», ասել է Ջաֆարին:
Երեկ սիրիական պետական հեռուստաընկերությունը տեղեկացրել է, որ մնացած գրոհայինների դուրս գալու պայմանը պետք է դառնա 1,2 հազար բնակիչների տարհանումն Իդլիբի նահանգի Ֆուա և Կեֆրայա բնակավայրերից:
