ԴԱԻՇ-ը 1 մլն դոլար է խոստացել քուրդ կին զինյալին սպանելու համար
Al Arabiya-ն հայտնում է, որ ԴԱԻՇ-ը սոցցանցերի միջոցով կոչ է արել Եվրոպայում իր համախոհներին սպանել ծագումով քուրդ դանիացի մի աղջկա՝ Ջոաննա Փալանիին, որը կռվում է ահաբեկչական կազմակերպության դեմ։ Աղջկան սպանելու դիմաց ԴԱԻՇ-ը 1 միլիոն դոլար է խոստացել վճարել։
Աղջիկը պայքարում է ԴԱԻՇ-ի դեմ Սիրիայում՝ քրդերի կողմից։
23-ամյա Փալանիի դեմ Կոպենհագենի քաղաքային դատարանը վճիռ էր կայացրել դանիական օրենսդրությունը խախտելու և քրդերի կողմից ԴԱԻՇ-ի դեմ պայքարելու համար։
Ավելի վաղ աղջիկը հայտարարել էր, թե ԴԱԻՇ-ի զինյալներին «շատ հեշտ է սպանելը»։
