Յակուտիայում «Իլ-18»-ի կործանումից հետո 32 զինվորական է հոսպիտալացվել
ՌԴ պաշտպանության նախարարությունից հայտնել են, որ 32 զինվորական է հոսպիտալացվել այն բանից հետո, երբ «Իլ-18» ինքնաթիռը վթարային վայրէջք է կատարել Յակուտիայի Տիկսի բնակավայրի մոտ, հայտնում է RIA Novosti-ն։
ՌԴ պաշտպանության նախարարության տվյալներով՝ օդանավում եղել են 32 ուղևորներ և անձնակազմի 7 անդամներ:
«Պատահարի վայրից ստացված զեկույցի համաձայն՝ ինքնաթիռը դեկտեմբերի 19-ին՝ ժամը 4:45-ին, վթարային վայէջք է կատարել Տիկսի օդանավակայանից 30 կիլոմետր հեռավորության վրա: Ինքնաթիռը պլանային թռիչք էր իրականացնում Կանսկի օդանավակայանից»,- պատմել են գերատեսչությունում:
Նշվում է, որ տուժածներին տարհանելու համար Յակուտիա է ուղարկվել բժիշկների բրիգադ։
Հաղորդվում է նաև, որ զինծառայողները բուժման նպատակով ուղարկվելու են Մոսկվայի և Սանկտ Պետերբուրգի զինվորական հոսպիտալներ։
