Արևելյան Հալեպում վերսկսվել է տարհանման գործընթացը
Թուրքական «Անադոլու» գործակալության հաղորդմամբ՝ Հալեպի արևելյան շրջաններից վերսկսվել է տարհանման գործընթացը երկու օրվա ընդմիջումից հետո։
Համաձայն ընդդիմության ուժերի և Սիրիայի իշխանությունների միջև ձեռք բերված պայմանավորվածության՝ տարհանվելու են նաև Ֆուա և Քեֆրայա բնակավայրերի բնակիչները, որոնք մեկուկես տարի է, ինչ շրջափակման մեջ են գտնվում ընդդիմության ուժերի կողմից։
Նշվում է, որ Ռուսաստանն ու Իրանը երաշխավորել են կողմերի միջև պայմանավորվածության կատարումը։
Համաձայն պայմանավորվածության՝ 20 հազար խաղաղ բնակիչ և ընդդիմության զինյալները Հալեպից տարհանվելու են արդեն այսօր, իսկ մյուսները՝ վաղը՝ դեկտեմբերի 20-ին։
