«Խեղճ մարդը ուզում էր ինչ-որ ապրանք ներկրել՝ թույլ չէին տալիս». «Չորրորդ իշխանություն»
«Չորրորդ իշխանություն» թերթը գրում է. «Լրատվամիջոցների տեղեկությունների համաձայն՝ մենաշնորհների դեմ վարչապետ Կարեն Կարապետյանի վճռական պայքարի արդյունքում բանանի շուկայում հայտնված նոր ներկրողը Սամվել Ալեքսանյանն է:
«ՉԻ» – Փաստորեն տարիներ շարունակ Հայաստանում առկա մենաշնորհից ամենաշատը Սամվել Ալեքսանյանն էր տուժում: Խեղճ մարդը ուզում էր ինչ-որ ապրանք ներկրել՝ թույլ չէին տալիս: Բայց արդարություն ի վերջո հաղթեց: Հիմա արդեն Սամվել Ալեքսանյանը կարող է չվախենալ մենաշնորհներից եւ հանգիստ ներկրել՝ ինչ ուզում է:
Իսկ կառավարությունը, կարծում ենք, պարտավոր է հարկային արտոնություններ տրամադրել նրան՝ մենաշնորհների դեմ պայքարում ցուցաբերած բացառիկ խիզախության համար: Իսկ եթե նա սկսի նաեւ բենզին ու դիզվառելիք ներկրել՝ կարող ենք արձանագրել, որ Հայաստանում մենաշնորհների դեմ հաղթանակը վերջնական է: Հետո ինչ, որ բոլոր ոլորտներում նույն մարդն է ջարդում մենաշնորհները: Դա էլ նրա մենաշնորհն է»:
Ամբողջությամբ կարող եք կարդալ «Չորրորդ իշխանություն» թերթի այսօրվա համարում:
