Թրամփը ՆԳՆ ղեկավարի պաշտոնն առաջարկել է հանրապետական կոնգրեսական Ռայան Զինքին
ԱՄՆ նորընտիր նախագահ Դոնալդ Թրամփը երկրի ներքին գործերի նախարարի պաշտոնն առաջարկել է Մոնտանա նահանգից հանրապետական կոնգրեսական Ռայան Զինքին, հայտնում է BBC-ն։
Ինչպես մյուս նախագահական թեկնածուների, այնպես էլ Զինքի դեպքում, նրա թեկնածությունը պետք է հաստատի Սենատը։
Զինքը 55 տարեկան է, նա նախկին հատուկջոկատային է, որը կռվել է Իրաքում։ 2014թ. նա ԶԼՄ-ների ուշադրությունը գրավեց՝ Հիլարի Քլինթոնին անվանելով «հակաքրիստոս»։
Անձամբ Զինքը դեռ չի մեկնաբանել իր առաջադրումը, նա ունի պաշտոնից հրաժարվելու իրավունք։
