Ֆիլիպինների սկանդալային նախագահը խոստովանել է իր կատարած սպանությունները
Ֆիլիպինների նախագահ Ռոդրիգո Դուտերտեն հայտարարել է, որ անձամբ է սպանել կասկածյալներին, երբ զբաղեցրել է Դավաոյի քաղաքապետի պաշտոնը։ Այս մասին նա պատմել է, խոսելով այն մասին, որ ոստիկանությունը թմրավաճառների դեմ պայքարի շրջանակում սպանում է կասկածյալներին, հաղորդում է inquirer.net-ը։
«Դավաոյում ես դա անձամբ եմ արել, որպեսզի ցույց տամ ոստիկանությանը, որ եթե ես դա կարող եմ անել, ինչու նրանք չեն կարող»,- հայտարարել է Դուերտեն։
Նա հավելել է, որ անձամբ պարեկային հսկողություն է իրականացրել մոտոցիկլետով ու որոնել է կասկածյալների, որպեսզի նրանց սպանի։
Դուերտեն ընդգծել է, որ չի պատրաստվում դադարեցնել պայքարը թմրավաճառության դեմ։
Ավելի վաղ ԶԼՄ-ները հայտնել էին, որ Ֆիլիպինների իշխանությունները ոստիկանների մի քանի տասնյակ գաղտնի ջոկատներ են ստեղծել, որոնք հաշվեհարդար են տեսնում թմրավաճառների հետ։
