Անկարայում մեկնարկել է թուրք-ադրբեջանական բարձր մակարդակի ռազմական խորհրդակցությունը
Անկարա քաղաքում անցկացվում է թուրք-ադրբեջանական բարձր մակարդակի ռազմական երկխոսության 9-րդ նիստը, հայտնում է ադրբեջանական APA գործակալությունը՝ հղում կատարելով Ադրբեջանի պաշտպանության նախարարության մամուլի ծառայությանը։
Հաղորդվում է, որ նիստի աշխատանքի ընթացքում համաձայնեցվելու են 2017 թվականի համատեղ միջոցառումները, քննարկվելու են ռազմական համագործակցության հարցերի լայն շրջանակն ու դրա զարգացման հեռանկարները, տարածաշրջանում անվտանգության ապահովման ուղղությամբ աշխատանքների գլխավոր ուղղությունները, երկու երկրների զինված ուժերի միջև բարեկամական կապերի զարգացման ու խորացման հարցերը։
