Չուրկինը հայտարարել է մոտակա ժամերին Հալեպից գրոհայինների հեռանալու պայմանավորվածության մասին
Գրոհայինները կլքեն Հալեպի արևելյան շրջանները մոտակա ժամերին: Ինչպես փոխանցում է TASS-ը, այդ մասին հայտարարել է ՄԱԿ-ում ՌԴ մշտական ներկայացուցիչ Վիտալի Չուրկինը` ՄԱԿ արտակարգ նիստի մեկնարկից առաջ:
«Իմ վերջին տեղեկություններով, իրոք, պայմանավորվածություն է ձեռք բերվել, որ գրոհայինները լքեն քաղաքը, այնպես որ, սա, կարծես, վերջն է»,- ասել է դիվանագետը: Պատասխանելով հարցին, թե ե՞րբ զինված խմբավորումների ներկայացուցիչները կլքեն Հալեպը, նա ասել է, որ «մոտակա ժամերի ընթացքում»:
