«Ադրբեջանը հետաքրքրված է Ղարաբաղյան հակամարտության շուտափույթ կարգավորմամբ». Ալիև
Ադրբեջանական APA գործակալության փոխանցմամբ՝ Ադրբեջանի նախագահ Իլհամ Ալիևը երեկ ընդունել է ԵԱՀԿ Մինսկի խմբի ֆրանսիացի նորանշանակ համանախագահ Ստեֆան Վիսկոնտիին։
Իլհամ Ալիևը հանդիպման ժամանակ հույս է հայտնել, որ Ֆրանսիան՝ որպես ԵԱՀԿ Մինսկի խմբի համանախագահող երկիր, այսուհետ ևս ակտիվորեն կմասնակցի Լեռնային Ղարաբաղի հակամարտության կարգավորմանը։
Նշելով, որ Ղարաբաղյան հակամարտությունը շարունակվում է արդեն երկար տարիներ, Ալիևը հայտարարել է, որ Ադրբեջանը «հետաքրքրված է Ղարաբաղյան հակամարտության շուտափույթ կարգավորմամբ»։
