Հալեպի համար ճակատամարտն ավարտվել է, ապստամբները հետ են քաշվում. The Independent
Մեծ Բրիտանիայում գործող Սիրիայի մարդու իրավունքների դիտորդական խումբը հայտարարել է, որ Սիրիայի կառավարական ուժեի կողմից Հալեպի լիակատար գրավումը զուտ ժամանակի հարց է: Այս մասին գրում է բրիտանական The Independent-ը` հղում կատարելով դիտորդական խմբի ղեկավար Ռամի Աբդել Ռահմանին: Նրա խոսքով` ապստամբներն արդեն հետ են քաշվում Հալեպի արևելքի այն վեց հիմնական թաղամասերից, որտեղ իրենք կենտրոնացրել էին իրենց ուժերը:
Ավելի վաղ, Սիրիայի կառավարական զինված ուժերը հայտարարել էին, որ վերահսկում են քաղաքի 98 տոկոսը և գրավել են Հալեպի հիմնական արդյունաբերական Շեյխ Սայիդ թաղամասը:
