Զովունիում և Հրազդանում շմոլ գազից և փայտի վառարանի ծխից թունավորման դեպքեր են արձանագրվել
Հիվանդանոցից ոստիկանության Նաիրիի բաժնում դեկտեմբերի 12-ին, ժամը 00.55-ին հաղորդում է ստացվել, որ թունավորումով բուժօգնության են տեղափոխվել 1965 թ. ծնված Սեյրան Հ.-ն, 1965 թ. ծնված Ծովինար Պ.-ն և 1996 թ. ծնված Սարգիս Հ.-ն:
Ինչպես տեղեկացրին ՀՀ ոստիկանության հասարակայնության հետ կապերի և լրատվության վարչությունից, մեկնած օպերատիվ խումբը պարզել է, որ վեջիններս թունավորումը ստացել են Զովունի գյուղի թիվ 132 տանը՝ գազի կաթսայից շմոլ գազի արտահոսքի հետևանքով: Հանգամանքները պարզվում են:
Դեկտեմբերի 10-ին, ժամը 23.20-ին, հիվանդանոցից ոստիկանության Հրազդանի բաժնում հաղորդում է ստացվել, որ «թունավորում շմոլ գազով» ախտորոշմամբ բուժօգնության են տեղափոխվել 1999 թ. ծնված Աշխեն Մ.-ն, 2006 թ. ծնված Արթուր Մ.-ն և 1946 թ. ծնված Ամալյա Դ.ն-:
Մեկնած օպերատիվ խումբը պարզել է, որ նրանք թունավորումը ստացել են իրենց տանը, փայտի վառարանի ծուխը ներս լցվելու հետևանքով:
Կատարվում է հետաքննություն: