«Իրանը կարող է Ադրբեջանի հետ համագործակցել ռազմական ոլորտում և անվտանգության հարցերում». իրանցի խորհրդարանական
Իրանը կարող է Ադրբեջանի հետ համագործակցություն սկսել ռազմական ոլորտում և անվտանգության հարցերում։
Այս մասին ադրբեջանական APA գործակալության թեհրանյան բյուրոյի հետ զրույցում ասել է Իրանի խորհրդարանի ազգային անվտանգության և արտաքին քաղաքականության հարցերով հանձնաժողովի խոսնակ Հուսեյին Նագավի Հուսեյնին։
«Երկու երկրների միջև գոյություն ունեն մշակութային, պատմական կապեր։ Եվ այդ պատճառով երկու երկրների միջև համագործակցությունը պետք է ավելի զարգանա։ Երկու երկրները քաղաքական ու տնտեսական համագործակցությանը զուգահեռ կարող են համագործակցել նաև ռազմական ոլորտում և անվտանգության հարցերում»,- ընդգծել է նա։
