Գերմանիան 150 միլիոն եվրո կծախսի ներգաղթյալներին հայրենիք վերադարձնելու վրա

Գերմանիայի կառավարությունը 150 միլիոն եվրո կծախսի ներգաղթյալներին հայրենիք վերադարձնելու ծրագրի վրա։

Նոր ծրագրի մասին հայտնել է Գերմանիայի տնտեսական համագործակցության և զարգացման նախարար Գերդ Մյուլլերը գերմանական Augsburger Allgemeine թերթին տված հարցազրույցում։

Յուրաքանչյուր տարի երկիրը 50 միլիոն եվրո կծախսի այն ներգաղթյալներին օգնելու վրա, որոնք չեն կարողացել ստանալ փախստականի կարգավիճակ, ինչպես նաև նրանց, որոնք անձամբ որոշել են վերադառնալ իրենց հայրենի երկիր։

Օգնությունը կարող են ստանալ Իրաքի, Աֆղանստանի ու բալկանյան երկրների ներգաղթյալները։

Մյուլլերը բացատրել է, որ շնորհիվ օգնության ներգաղթյալները «կարող են ամեն ինչ նորից սկսել» իրենց հայրենիքում։