Ադրբեջանը եւ Թուրքիան կարող են երկկողմ առեւտուր իրականացնել ազգային արժույթներով
Թուրքիայի ֆինանսների նախարարությունը Ադրբեջանի հետ բանակցություններ է սկսել երկու երկրների միջեւ կատարվող առեւտուրը ոչ թե դոլարով եւ եվրոյով, այլ իրենց ազգային արժույթներով իրականացնելու ուղղությամբ:
Այս մասին, ինչպես հաղորդում է «Արմենպրես»ը, հայտնում է ադրբեջանական minval.az լրատվական կայքը:
2016 թվականի 10 ամիսների ընթացքում Թուրքիայի եւ Ադրբեջանի միջեւ առեւտրաշրջանառության ծավալը կազմել է 1 մլրդ 826 մլն 861,84 հազար դոլար:
Ադրբեջանի ընդհանուր առեւտրաշրջանառության 12,91 տոկոսը բաժին է ընկնում Թուրքիայի հետ իրականացվող առեւտրին:
