««Ան-Նուսրայի» ահաբեկիչները խնդրում են Սիրիայի իշխանություններին իրենց տարհանել Հալեպից». ԶԼՄ-ներ
«Ջաբհաթ ան-Նուսրա» խմբավորման զինյալները հայտարարել են Սիրիայի Հալեպ քաղաքը հյուսիսային միջանցքով՝ Կաստելլո ճանապարհով լքելու համաձայնության մասին։ Վերջիններս երկրի իշխանություններին խնդրել են իրենց տարհանել։
Այս մասին հայտնում է Al-Manar հեռուստաալիքը՝ վկայակոչելով միջնորդներին, որոնք սիրիական զինվորականների հետ կապ են հաստատում զինյալների անունից։
ԶԼՄ-ների տեղեկություններով՝ ներկայումս Սիրիայի կառավարական զորքերը պատրաստվում են գրոհել խմբավորման վերջին հենակետը Բուսթան-էլ-Կասր շրջանում։ Սիրիական բանակը մի շարք հզոր հարվածներ է հասցրել ահաբեկիչների կրակային կետերին և հրամանատարական կետերին։
