Ադրբեջանը ԵՄ-ի հետ առանց վիզային ռեժիմի մասին բանակցություններ է սկսում
Ադրբեջանը պլանավորում է Եվրամիության հետ բանակցություններ սկսել առանց վիզային ռեժիմի մասին։ Այս մասին ադրբեջանական haqqin.az-ին հայտնել է Ադրբեջանի ԱԳՆ պաշտոնական ներկայացուցիչ Հիքմեթ Հաջիևը։
Նրա խոսքով՝ Եվրահանձնաժողովն արդեն կանաչ լույս է տվել Ադրբեջանի հետ նոր ռազմավարական համաձայնագրի ստորագրման մասին բանակցություններ սկսելու համար, որի կետերից մեկը կարող է դառնալ առանց վիզային ռեժիմի մասին հարցը։
«Ադրբեջանն ու ԵՄ-ն արդեն 2013թ. ստորագրել են վիզային ռեժիմի ազատականացման մասին համաձայնագիր, ինչն իր ավանդն է ունեցել եվրոպական երկրների և Ադրբեջանի քաղաքացիների միջև հարաբերություններում։ Մեր բանակցությունների հաջորդ փուլը, կարծում եմ, որ լինելու է վիզաների լիակատար չեղարկումը»,- ասել է Հաջիևը։
