Հայաստանը դեսպանություն կբացի Մոլդովայում
Հայաստանն առաջիկայում դեսպանություն կունենա Մոլդովայի Հանրապետությունում։ ՀՀ կառավարությունն այսօրվա նիստի ընթացքում հավանություն տվեց Մոլդովայում ՀՀ դեսպանություն ստեղծելու մասին նախագահի հրամանագրի նախագծին։ ՀՀ արտաքին գործերի նախարարի տեղակալ Շավարշ Քոչարյանն ասաց, որ ներկայումս դեսպանատունը սպասարկվում է Կիևից. Քիշնևում ՀՀ դեսպանություն ստեղծելու համար առկա է մոլդովական կողմի պաշտոնական համաձայնությունը։
