ԼՂ այցելած Ֆրանսիայի ՆԳՆ նորանշանակ նախարարը հայտնվել է Ադրբեջանի «սև ցուցակում»
Ֆրանսիայի ներքին գործերի նոր նախարար Բրունո Լե Ռուն՝ որպես ֆրանսիացի խորհրդարանական, 2015թ. սեպտեմբերին այցելել է «Հայաստանի կողմից օկուպացված տարածքներ»։ Այս մասին, ինչպես տեղեկացնում է ադրբեջանական haqqin.az պորտալը, հայտնել է Ադրբեջանի ԱԳՆ մամուլի ծառայության ղեկավար Հիքմեթ Հաջիևը։
Նրա խոսքով՝ առանց Ադրբեջանի գիտության ԼՂ այցելած օտարերկրացիները «խախտում են ադրբեջանական օրենքները» և անկախ զբաղեցրած պաշտոնից՝ ընդգրկվում Ադրբեջանի ԱԳՆ-ի «սև ցուցակում»։
«Օրենքը օրենք է և կիրառվում է միանման՝ բոլորի նկատմամբ»,- հավելել է Հաջիևը։
