Սիրիայում ռուս գնդապետ է սպանվել
Սիրիայում սպանվել է ռուս գնդապետ Ռուսլան Գալիցկին։ Նա մահացել է Հալեպի արևմտյան հատվածի բնակելի թաղամասերից մեկից արձակված գնդակոծության հետևանքով ստացած վնասվածքներից։
Այս մասին հայտնում է Lenta-ն՝ վկայակոչելով ՌԴ պաշտպանության նախարարությանը։
«Հոսպիտալում ծանր վնասվածքների հետևանքով մահացել է գնդապետ Ռուսլան Գալիցկին։ Ռուս ռազմաբժիշկները մի քանի օր պայքարում էին նրա կյանքի համար։ Նա վնասվել էր ընդդիմության հրետանային գնդակոծության հետևանքով»,- ասվում է հաղորդագրության մեջ։
Վերջինիս հետմահու կհանձնվի պետական մրցանակ։
