Պուտինը հուսով է, որ Յըլդըրըմի այցը կնպաստի առևտրաշրջանառության աճին
Ռուսաստանի նախագահ Վլադիմիր Պուտինը հուսով է, որ Թուրքիայի վարչապետ Բինալի Յըլդըրըմի՝ Ռուսաստան այցի շրջանակներում կգործադրվեն ակտիվ ջանքեր՝ փոխելու բացասական միտումները՝ կապված երկկողմ համագործակցության առևտրաշրջանառության անկման հետ։ Այս մասին հայտնում է RIA Novosti-ն։
«Գիտեմ, որ դուք արդեն բովանդակալից բանակցություններ եք անցկացրել Ռուսաստանի Դաշնության կառավարության նախագահի հետ, հաճելի է նշել, որ մենք վերականգնում ենք հարաբերությունները փոխգործակցության գրեթե բոլոր ուղղություններով»,- հայտարարել է Պուտինը Յըլդըրըմի հետ երեկ կայացած հանդիպմանը։
Միևնույն ժամանակ, Պուտինը նշել է, որ տեղի է ունեցել առևտրաշրջանառության մեծ անկում։
