«Ուկրաինայում կուսակցությանս անդամագրվել է 20 հազար մարդ»․ Սահակաշվիլի
Օդեսայի նախկին նահանգապետ Միխայիլ Սաակաշվիլին պնդում է, որ Ուկրաինայում իր հիմնադրած կուսակցությանն արդեն անդամագրվել է 20 հազար մարդ։
Ավելի վաղ Սահակաշվիլին հայտարարել էր, որ իր համախոհներն աշխատում են ուկրաինական շրջաններում՝ «Նոր ուժերի շարժում» քաղաքական ուժ ստեղծելու նպատակով։ Նա նաև հայտարարել էր դրամական միջոցների հավաքագրում կուսակցության զարգացման նպատակով։
«Կուսակցությունն արդեն ունի ավելի քան 20 հազար գրանցված անդամներ, սակայն գլխավորը թվաքանակը չէ։ Ես արդեն շփվել եմ մի քանի հազարի հետ և ցանկանում եմ ասել, որ երբեք՝ ո՛չ Ուկրաինայում, ո՛չ մեկ այլ երկրում, չեմ տեսել նման որակի կուսակցական ակտիվիստներ»,- գրել է Սահակաշվիլին Facebook-ի իր էջում։
