Հարավային Կորեայի նախագահը խոստացել է հրաժարական ներկայացնել

Հարավային Կորեայի նախագահը խոստացել է հեռանալ պաշտոնից 2017թ. ապրիլին, հայտնում է РБК-ն։

Այս հայտարարությունը հնչել է այն բանից հետո, երբ նրա սեփական կուսակցության պատգամավորները հայտարարել են, որ կարող են նախագահին իմփիչմենթ հայտարարելու համար բավականաչափ ձայներ հավաքել։

Եթե խորհրդարանը քվեարկի իմփիչմենթի օգտին և Պակ Կին Հեին հեռացնի զբաղեցրած պաշտոնից, երկրի Սահմանադրական դատարանը պետք է հաստատի այդ որոշումը։

Պակ Կին Հեն հայտարարել է, որ եթե խորհրդարանը քվեարկի իմփիչմենթի օգտին մինչև ապրիլ, ինքը կսպասի դատարանի որոշմանը։