Facebook-ը, Microsoft-ը, Twitter-ն ու YouTube-ը պայմանավորվել են պայքարել ահաբեկչության դեմ
Facebook-ը, Microsoft-ը, Twitter-ն ու YouTube-ը դեկտեմբերի 5-ին հայտարարել են ահաբեկչության դեմ պայքարի նոր նախաձեռնության մասին՝ կապված համացանցում «ահաբեկչական կոնտենտի» տարածման հետ, հայտնում է RIA Novosti-ն։
«Մեր սպառողական ծառայություններում տեղ չկա կոնտենտին, որը նպաստում է ահաբեկչության առաջ մղմանը։ Երբ մեզ այդ մասին հայտնում են, մենք արագ գործողություններ ենք ձեռնարկում նման կոնտենտի դեմ՝ համաձայն յուրաքանչյուր ընկերության քաղաքականության»,- ասվում է չորս խոշորագույն ինտերնետ ընկերությունների հայտարարության մեջ։
Ընկերությունները պայմանավորվել են փոխանակել եզակի թվային նույնականացնող վիդեոներ, որոնք կապված են ահաբեկիչների կողմից մարդկանց իրենց կողմը ներգրավելու փորձերի հետ։
Միաժամանակ, նրանք չեն կիսվելու հաճախորդների անձնական տվյալներով։
