Պուտինը հաստատել է Ռուսաստանի տեղեկատվական անվտանգության դոկտրինը
ՌԴ նախագահ Վլադիմիր Պուտինը ստորագրել է Ռուսաստանի տեղեկատվական անվտանգության դոկտրինը։ Փաստաթուղթը տեղադրվել է իրավական տեղեկատվության պորտալում։
«Դոկտրինն իրենից ներկայացնում է պաշտոնական հայացքների համակարգ՝ ուղղված Ռուսաստանի Դաշնության ազգային անվտանգության ապահովմանը տեղեկատվական ոլորտում»,- ասվում է փաստաթղթում։
ՌԴ ազգային առաջնայնությունների թվում նշվում են «սահմանադրական իրավունքի և մարդու ու քաղաքացու իրավունքների և ազատությունների ապահովումն ու պաշտպանությունը, որը վերաբերում է տեղեկատվության ստացմանը, դրա օգտագործմանը»։
Նշվում է, որ անվտանգության ապահովման ուղղություններից մեկը պետք է լինի ռազմական հակամարտությունների կանխարգելումը, որը կարող է ծագել տեղեկատվական տեխնոլոգիաների օգտագործման ժամանակ։
Նախորդ դոկտրինն ընդունվել էր 2000թ. սեպտեմբերին։
