ԴԱԻՇ-ը սպառնացել է գրոհել ողջ աշխարհում Թուրքիայի դեսպանություններն ու հյուպատոսությունները

ԴԱԻՇ-ի նոր պաշտոնական ներկայացուցիչ Աբի ալ-Հասան ալ-Մուխագերը հայտարարել է ողջ աշխարհում Թուրքիայի դեսպանությունների ու հյուպատոսությունների վրա հարձակման մտադրության մասին։

Այս մասին հայտնում է Reuters-ը՝ հղում կատարելով վերջինիս հայտարարության աուդիոձայնագրությանը, որը հրապարակվել է համացանցում։

Մուխագերն ասել է, որ ԴԱԻՇ-ի կողմնակիցները հարձակվելու են բոլոր թուրք զինվորականների վրա, գրոհելու են տնտեսական ու բժշկական հաստատությունները, այդ թվում՝ դեսպանություններն ու հյուպատոսությունները, որոնք ներկայացնում են Թուրքիան ողջ աշխարհում։