Ջո Բայդենն ակնարկել է, որ կարող է մասնակցել 2020թ. ԱՄՆ նախագահական ընտրություններին
ԱՄՆ փոխնախագահ Ջոզեֆ Բայդենը հայտարարել է, որ չի բացառում հնարավորությունը, որ կարող է մասնակցել 2020թ. ԱՄՆ նախագահական ընտրություններին, հայտնում է BBC-ն։
«Ես առաջադրում եմ իմ թեկնածությունը 2020թ.։ Նախագահի պաշտոնի համար»,- հայտարարել է նա Բարաք Օբամայի վարչակազմում լրագրողների հետ հանդիպմանը։
Երբ նրան դարձյալ հարցրել են՝ իսկապես առաջադրվելու է, Բայդենն ասել է, որ նման հնարավորությունը չի բացառում։
«Ես չեմ խոստանում, որ կառաջադրվեմ։ Ես ոչինչ չեմ խոստանում, քանի որ վաղուց գիտեմ՝ ճակատագիրը երբեմն միջամտում է մեր գործերին ամենատարօրինակ կերպով»,- բացատրել է նա։
