Սիրիայի ընդդիմությունը Հալեպի արևելքում ևս 2 շրջան է կորցրել․ Reuters
Սիրիայի զինված ընդդիմությունը ընդունել է Շաար և Կարմ-էլ-Ջեբել շրջանների կորուստը Հալեպ քաղաքում։ Ինչպես հայտնել է Reuters գործակալությունը, այդ մասին հայտարարել է իսլամիստների «Ջաբհաթ աշ-Շամիյա» կոալիցիայի ներկայացուցիչը։
«Կարելի է համարել, որ մենք կորցրել ենք Շաար և Կարմ-էլ-Ջեբել շրջանները»,- ասել է գործակալությանը խմբավորման ներկայացուցիչը։
Արևելյան Հալեպը գտնվում է տարբեր զինված խմբավորումների, այդ թվում՝ «Ջաբհաթ ան-Նուսրա» ահաբեկչական խմբավորման վերահսկողության ներքո։
