«Թուրքիայի շփումները ՌԴ-ի հետ չեն հակասում ՆԱՏՕ-ում դաշնակցի նրա դերին». Ստոլտենբերգ
Ռուսաստանի հետ Թուրքիայի իշխանությունների շփումները չեն հակասում Թուրքիայի դերին, որը Հյուսիսատլանտյան դաշինքի առանցքային դաշնակիցներից է, հայտարարել է ՆԱՏՕ-ի գլխավոր քարտուղար Յենս Ստոլտենբերգը, հայտնում է RIA Novosti-ն։
«Փաստը, որ Թուրքիան շփվում է Ռուսաստանի հետ, չի հակասում ՆԱՏՕ-ում առանցքային դաշնակցի նրա դերին»,- հայտնել է նա լրագրողների հետ զրույցում:
Նա նշել է, որ ՆԱՏՕ-ն նույնպես ընտրել է երկխոսությունը՝ որպես Ռուսաստանի նկատմամբ իր քաղաքականության բաղադրիչներից մեկը:
