Ադրբեջանում աճում է ռուսական ռուբլու պահանջարկը
Այն բանից հետո, ինչ ադրբեջանական բանկերը սահմանափակեցին դոլարի վաճառքը, Ադրբեջանում կտրուկ ավելացավ ռուսական տարադրամի պահանջարկը, հայտնում են ռուսական լրատվամիջոցները։
Հոկտեմբերին Ադրբեջանի Կենտրոնական բանկը մյուս բանկերի հետ ֆինանսական շուկայում իրացրել է 253,81 մլն դոլար, ինչը 14%-ով ավելի է 2015թ. հոկտեմբերի ցուցանիշից։
Արդյունքում առաջացավ դոլարային ակտիվների պակասուրդ, ինչից հետո իրավաբանական ու ֆիզիկական անձինք ձգտեցին դիմել վարկային կազմակերպություններին՝ ռուսական ռուբլու ձեռքբերման նպատակով։
Ռուբլու վաճառքը 2016թ. հոկտեմբեր-նոյեմբերին Ադրբեջանում ավելացել է 13,5%-ով՝ համեմատած անցած տարվա նույն ժամանակահատվածի հետ։
