«Սպասում եմ Բոլտի հետ հանդիպմանը, որպեսզի որոշենք, թե ով է ավելի արագ». Պիեր-Էմերիկ Օբամեյանգ
«Բորուսիայի» հարձակվողը վստահ է, որ ինքն ավելի արագ է:
«Ես սպասում եմ քեզ: Հուսով եմ հանդիպել քեզ հետ, և մենք կպարզենք ամեն ինչ»,- Օբամեյանգին է մեջբերում СNN-ը:
Բոլտն արդեն պատասխանել է:
«Ես գիտեմ, որ մարդիկ ուզում են մրցել ինձ հետ: Օբամեյանգը գիտի, որ ես պատրաստվում եմ հաղթել»,- ասել է Բոլտը:
2013 թվականին Պիեր-Էմերիկ Օբամեյանգը մարզման ժամանակ 30 մետրն անցել է 3.7 վայրկյանում. ավելի արագ, քան Բոլտն այդ նույն հատվածում՝ այն մրցավազքում, որտեղ սահմանել է 200 մետրի աշխարհի ռեկորդ:
2016-17թթ. մրցաշրջանում Օբամեյանգը 11 խաղերում դարձել է 13 գոլի և 1 գոլային փոխանցման հեղինակ:
Պատրաստեց Անի Գաբուզյանը
