Չավուշօղլուն Բաքվում վաղը կքննարկի ԼՂ-ի հակամարտությունը

Ադրբեջանական Trend լրատվական գործակալության հաղորդմամբ՝ Թուրքիայի արտգործնախարար Մևլյութ Չավուշօղլուն վաղն աշխատանքային այց է կատարելու Ադրբեջան։

Այցի ընթացքում նախատեսված են բանակցություններ Ադրբեջանի պաշտոնատար անձանց հետ։ Հանդիպումների ընթացքում քննարկվելու են բոլոր ոլորտներում հարաբերությունների հեռանկարները։

Կողմերը քննարկելու են տարածաշրջանում տիրող իրավիճակը, ներառյալ Լեռնային Ղարաբաղի հակամարտության կարգավորումը։