Թուրքիայի խորհրդարանը վավերացրել է ՌԴ-ի հետ համաձայնագիրը «Թուրքական հոսք» գազատարի վերաբերյալ
Թուրքիայի խորհրդարանը օրենք է ընդունել «Թուրքական հոսք» գազատարի վերաբերյալ համաձայնագիրը ռուսական կողմի հետ վավերացնելու վերաբերյալ, հայտնում է RIA Novosti-ն։
Փաստաթղթի վավերացմանը կողմ է քվեարկել 210 պատգամավոր, 7-ը դեմ է հանդես եկել, 6-ը՝ ձեռնպահ։
Մոտ ժամանակներս համաձայնագիրը պետք է ստորագրի Թուրքիայի նախագահ Ռեջեփ Էրդողանը, ինչից հետո այն կհրապարակվի Resmi gazete պաշտոնական պարբերականում և պաշտոնական ուժ կստանա։
Ավելի վաղ Թուրքիայի էներգետիկայի և բնական ռեսուրսների նախարար Բերաթ Ալբայրաքը հայտարարել էր, որ «Թուրքական հոսքի» շինարարությունը կսկսվի 2017թ. սկզբին։
