Թուրքիան ցանկանում է ամենաբարձր մակարդակի հարաբերություններ ունենալ ՌԴ-ի, Իրանի և Չինաստանի հետ. Էրդողան
Թուրքիան հույս ունի, որ իր հարաբերությունները Ռուսաստանի, Իրանի և Չինաստանի հետ կհասնեն ամենաբարձր մակարդակի։ Ինչպես հաղորդում է RIA Novosti-ն, այս մասին հայտարարել է երկրի նախագահ Ռեջեփ Էրդողանը։
«Թուրքիայի կապն Արևմուտքի հետ ուժեղ է, իսկ Արևելքի հետ՝ թո՞ւյլ։ Հակառակը։ Մենք ցանկանում ենք ամենաբարձր մակարդակով քաղաքական և տնտեսական հարաբերություններն ունենալ Ռուսաստանի, Իրանի, Չինաստանի հետ։ Այդ հարաբերություններն այլընտրանք չեն մեկը մյուսին։ Հակառակը՝ մենք այդ հարաբերությունները համարում ենք որպես փոխլրացնող»,- հայտարարել է Էրդողանը։
