«Ֆիդել Կաստրոն ազատության համար պայքարող անխոնջ մարտիկ էր». Իրանի նախագահ
Իրանի նախագահ Հասան Ռոուհանին իր ցավակցությունն է հայտնել Կուբայի նախարարների խորհրդի և պետական խորհրդի նախագահ Ռաուլ Կաստրոյին՝ կապված Կուբայի հեղափոխության առաջնորդ Ֆիդել Կաստրոյի մահվան հետ, հայտնում է իրանական Mehr գործակալությունը:
Ռոուհանին հաղորդագրության մեջ Ֆիդել Կաստրոյին անվանել է «անխոնջ մարտիկ և ազատության համար պայքարող զինյալ աշխարհում, որտեղ բացակայում է արդարությունն ու թագավորում երկերեսանիությունը»:
Ավելի վաղ Ֆիդել Կաստրոյի եղբայրը՝ Ռաուլ Կաստրոն, հայտարարել էր, որ Կուբայի հեղափոխության առաջնորդը կհուղարկավորվի դեկտեմբերի 4-ին։
