Ռոուհանին Թուրքիային համագործակցության կոչ է արել տարածաշրջանային խնդիրների լուծման նպատակով
Իրանի նախագահ Հասան Ռոուհանին կոչ է արել զարգացնել Անկարայի և Թեհրանի միջև հարաբերությունները՝ լուծելու Մերձավոր Արևելքի խնդիրները, հայտնում է իրանական IRNA գործակալությունը:
«Ներկայումս, երբ իրավիճակը տարածաշրջանում անկայուն է, համագործակցության զարգացումը, ինչպես նաև Թեհրանի և Անկարայի միջև շփումները կարող են բավական օգտակար լինել տարածաշրջանի խնդիրների լուծման համար»,- հայտարարել է Ռոուհանին Թուրքիայի ԱԳՆ ղեկավար Մևլյութ Չավուշօղլուի հետ հանդիպման արդյունքներով:
Իրանի նախագահը ընդգծել է, որ տարածաշրջանի երկրների համագործակցությունը անհրաժեշտ է Սիրիայի և Իրաքի ճգնաժամի լուծման, ինչպես նաև այդ երկրներում ահաբեկչության դեմ պայքարի համար:
