«Ես վերջապես պարտվեցի «Արսենալին»». Ժոզե Մոուրինիո
Պորտուգալացին գոհ է թիմից, բայց ոչ խաղի արդյունքից:
«Մենք այսօր լավագույն թիմն էինք: Ես չեմ ասում, որ մրցակիցը չէր ուզում հաղթել: Բայց ես ասում եմ, որ նրանք շանս չունեին հաղթելու: Նրանք չկարողացան լինել այն «Արսենալը», որին մենք սովոր ենք տեսնել:
Պաշտպանության տեսակետից մենք ֆենոմենալ էինք: Մենք ուժեղ էինք պրեսինգում, հակահարձակումների վերահսկողությունում և մրցակցի լավագույն ֆուտբոլիստների վերահսկողությունում: Ես գոհ եմ թիմից, բայց տեսնում եմ, որ մենք ԱՊԼ-ի ամենաանհաջողակ թիմն ենք, որովհետև դա իսկապես այդպես է»,- հայտարարել է Մոուրինիոն խաղից հետո, ում խոսքերն է մեջբերում Sky Sports-ը:
Մոուրինիոն ավարտել է շփումը լրագրողների հետ հետևյալ արտահայտությամբ. «Վերջապես ես պարտվեցի «Արսենալին»:
«Մանչեսթեր Յունայթեդը» 12 խաղից հետո 19 միավորով գրավում է 6-րդ տեղը:
Պատրաստեց Անի Գաբուզյանը
