«Համեղ կեքս». հրեական առակ հարուստների և աղքատների մասին

Մուրացկանը կնոջը հիացմունքով պատմում է, թե ինչպիսի հիասքանչ կեքսով են իրեն հյուրասիրել մի հարուստի տանը:

– Խնդրիր բաղադրատոմսը,- ասում է կինը:- Ես նույնպես այդպիսի կեքս կթխեմ:

Մուրացկանն իմանում է բաղադրատոմսը հարուստի խոհարարից, հետո զեկուցում է կնոջը.

– Վերցնում ես 10 հատ ձու:

– 10 հատ ես ինձ չեմ կարող թույլ տալ, կվերցնեմ 2-ը:

– Լավ: Հետո պետք է 1 կգ կարագ:

– Որտեղի՞ց, հետաքրքիր է, ես պետք է վերցնեմ կարագը:

– Ուրեմն առանց կարագի: Հետո 1 կգ չամիչ:

– Դա պարտադի՞ր է: Չամիչը շատ թանկ է:

– Ոչ, երևի պարտադիր չէ: Հետո ցորենի ալյուր:

– Ուրախացիր, որ տանը գոնե տարեկանի ալյուր կա:

– Ըստ իս՝ տարեկանի ալյուրով էլ կլինի: Հետո խմորը դնում են կաղապարի մեջ և թխում են ջեռոցում:

– Ջեռոց մենք չունենք, կաղապար նույնպես չունենք, կեքսը կթխեմ տաք մոխիրի մեջ:

Կեքսը պատրաստ է, կինը փորձում է այն:

– Ֆու,- ասում է նա,- և ինչպես են կարողանում հարուստներն այսպիսի բան ուտել:

Պատրաստեց Անի Գաբուզյանը