Թուրքիայի քրդամետ կուսակցության առաջնորդը պահվում է վտանգավոր հանցագործների համար նախատեսված խցում
Հոկտեմբերի 4-ին ձերբակալված եւ Էդիրնեի F տիպի փակ ռեժիմով բանտ տեղափոխված Թուրքիայի քրդամետ Ժողովուրդների դեմոկրատական կուսակցության (HDP) առաջնորդ Սելահաթթին Դեմիրթաշը 11 օր է բանտարկված է առանձին խցում: Այս մասին հայտնում է թուրքական demokrathaber.org լրատվական կայքը:
HDP առաջնորդը բանտարկված է ոչ թե բանտի քաղբանտարկյալների համար նախատեսված A եւ B հատվածում, այլ C հատվածում, որտեղ պահվում են Ալ-Քաիդայի գործով դատապարտվածները եւ առանձնապես վտանգավոր հանցագործները:
Դեմիրթաշի փաստաբանը բանտի ղեկավարությանը իր պաշտպանյալին քաղբանտարկյալների համար նախատեսված հատված տեղափոխելու դիմում է ներկայացել:
Թուրքիայի քրդամետ Ժողովուրդների դեմոկրատական կուսակցության համանախագահներ Սելահաթթին Դեմիրթաշը և Ֆիգեն Յուքսեքդաղը, ինչպես նաև կուսակցության անդամ ևս 9 պատգամավոր նոյեմբերի 4ին ձերբակալվել էին, ինչը աշխարհում մեծ արձագանք էր գտել:
Սելահաթթին Դեմիրթաշի եւ նրա կուսակիցների դեմ հետաքննություն է իրականացվում «զինված ահաբեկչական խմբավորման անդամ լինելու, հանցագործություն կատարելուն դրդելու և ահաբեկչական խմբավորման քարոզչություն իրականացնելու» մեղադրանքներով:
