Կառավարության առաջիկա նիստը տեղի կունենա նոյեմբերի 18-ին
ՀՀ կառավարության առաջիկա նիստը տեղի է ունենալու նոյեմբերի 18-ին՝ ուրբաթ: Այդ մասին հաղորդում է կառավարության egov.am կայքը:
Սովորաբար կառավարության նիստերն անցկացվում են ամեն շաբաթվա հինգշաբթի օրերին: Հայտնի է, որ ՀՀ վարչապետ Կարեն Կարապետյանը նոյեմբերի 16-17-ին աշխատանքային այցով լինելու է Ռուսաստանի Դաշնությունում՝ Մոսկվայում, մասնակցելու Եվրասիական միջկառավարական խորհրդի նիստին:
