Թրամփը և Օլանդը քննարկել են Ուկրաինայում, Սիրիայում իրավիճակը և իրանական համաձայնագիրը
Ֆրանսիայի նախագահ Ֆրանսուա Օլանդն ԱՄՆ ընտրված նախագահ Դոլանդ Թրամփի հետ հեռախոսազրույցի ընթացքում քննարկել է ահաբեկչության դեմ պայքարը, Ուկրաինայում, Սիրիայում ստեղծված իրավիճակը և իրանական միջուկային ծրագրի շուրջ համաձայնագիրը: Այդ մասին հաղորդում է «Ռոյթեր» գործակալությունը, վկայակոչելով իր աղբյուրը:
ԱՄՆ նախագահական ընտրությունների հաջորդ օրն Օլանդը նամակ է գրել Թրամփին` առաջարկելով նրան որքան հնարավոր է շուտ սկսել երկխոսություն` համընդհանուր շահերից ելնելով:
Հեռախոսազրույցի ընթացքում Թրամփը և Օլանդը համաձայնել են դիրքորոշումների պարզաբանմամբ աշխատել միասին` ահաբեկչության դեմ պայքարում, Ուկարինայի, Սիրիայի, իրանական միջուկային համաձայնագրի և կլիմայի վերաբերյալ փարիզյան համաձայնագրի ուղղությամբ:
Տեղեկացվում է, որ հեռախոսազրույցը տևել է 78 րոպե` «բարենպաստ պայմաններում»:
