Դոնալդ Թրամփը կփակի Ամերիկան օտարերկրյա ծրագրավորողների համար
ՏՏ ոլորտի մասնագետները, ովքեր ցանկանում են աշխատանք գնտել ԱՄՆ-ում, նախագահ Դոնալդ Թրամփի իշխանության գալուց հետո մեծ դժվարությունների կհանդիպեն: Թրամփը նախատեսում է աշխատավայրերի մեծամասնությունը տրամադրել ամերիկացիներին:
Թրամփը պլանավորում է փոխել աշխատանքային H-1B վիզայի տրամադրման պայմանանները, որով ԱՄՆ-ում աշխատում են արտասահմանցի մասնագետները, այդ թվում նաև ծրագրավորողները: Վիզան կդառնա ավելի թանկ, որն ավտոմատ կերպով կկրճատի դիմորդների հոսքը: Թրամփն իր կողմնակից, Սենատի ներգաղթի ենթակոմիտեի ղեկավար Ջեֆ Սեշենսի հետ արդեն մշակում է համապատասխան օրինագիծը, հաղորդում է Computerworld-ը:
Փոփոխությունները մեծապես կազդեն հատկապես այն ընկերությունների վրա, որոնց աշխատակազմում ներգրավված են նաև Հնդկաստանից ծրագրավորողներ, քանի որ նրանք առավել կախված են ժամանակավոր վիզաներից:
